Dünən Bakıda baş vermiş yanğın nəticəsində zərərçəkənlərin arasında müğənnilər Lalə və Nurkan cütlüyü də olub
Milli.Az axşam.az-a istinadən xəbər verir ki, bu barədə "Günə baxan" verilişində Lalə özü məlumat verib.
O bildirib ki, ata evi yanan binada yerləşib:
"Yanğın zamanı atam və bacım evdə olmayıb. Bizə məlumat verilən kimi hadisə yerinə getdik. Bütün gecəni yata bilmədim. Ev, mülk geri qayıdır. Amma mənim o evdə xatirələrim yandı. Dünyasını dəyişmiş anamın bütün şəkilləri yox oldu".
Lalənin həyat yoldaşı Nurkan həmin an duyğusal anlar yaşadığını bildirib:
"Qayınatamla bizim evimiz arasında 1 kilometrlik məsafə var. Əslində, evdə olmadıqlarını bilirdik. Amma özümüzü elə itirmişdik ki, tamam yadımızdan çıxmışdı. Lalənin atası və bacısı gəldikdən sonra sakitləşdik. Dəhşətli məqamlar idi. Bir uşağın necə keçindiyini gördüm. O anlar gözümün önündən getmir".
Milli.Az