Azərbaycanın əməkdar artisti Zaur Əmiraslanov pis hadisə ilə üzləşib
Milli.Az bildirir ki, əməkdar artist atvxəbər.az-a açıqlamasında bildirib ki, bu gün günorta saatlarında pulla dolu portmanatını itirib:
"Portmanatımı maşın sürərkən hər zaman dizlərimin üstündə saxlayıram ki, arxa cibimə qoysam, düşə bilər. Amma görünür, olacağa çarə yoxmuş. Yəqin ki, maşından çıxanda yerə düşüb. Tərslikdən də içində külli miqdarda pul var idi - 1000 manat və 250 dollar. Hələ kredit kartım da əldən getdi! Ən çox məni yandıran portmanatın özüdür. Bu portmanat mənə çox baha başa gəlmişdi", - deyə müğənni bildirib.
Milli.Az