Teleaparıcı Xoşqədəm Hidayətqızının türkiyəli müğənni Doğuşla ailə qurması haqda yayılan məlumatlar mediada və sosial şəbəkədə geniş müzakirə mövzusuna çevrilib.Bunun məşhur aparıcının növbəti piar kampaniyasının bir hissəsinin olduğunu deyənlər var
Şəbəkə istifadəçiləri cütlüyün ailə qurmasına inanmadıqlarını və fotoların Hidayətqızının yeni layihəsi üçün çəkildiyini bildiriblər. Onlar bunu da məşhur aparıcının növbəti piar kampaniyasının bir hissəsinin olduğunu deyirlər.
Milli.Az bildirir ki, "Qafqazinfo"nun əməkdaşı dəfələrlə teleaparıcı ilə əlaqə saxlamağa çalışsa da, ona zəng çatmayıb. Teleaparıcının yaxınlarının verdiyi məlumata görə isə o, həqiqətən türkiyəli sənətçi ilə ailə qurub.
Yeri gəlmişkən, qeyd edək ki, Xoşqədəm Hidayətqızı bir neçə dəqiqə əvvəl sosial şəbəkədə Doğuşla yeni fotosunu paylaşıb, lakin heç bir açıqlama verməyib.
Xatırladaq ki, dünən axşam ilk olaraq türkiyəli müğənni Doğuş Xoşqədəm Hidayətqızı ilə fotosunu paylaşmışdı. Daha sonra teleaparıcı öz instagram səhifəsində Doğuşla fotosunu paylaşaraq sevgi mesajları vermişdi.
Milli.Az
Böyütmək üçün şəklə klikləyin.