Xəbər verdiyimiz kimi, Türkiyənin Antalya şəhərində 51-ci Beynəlxalq "Qızıl Portağal" film festivalında mükafatlandırma mərasimi keçirilib.
Axşam.az-ın "Hürriyet"ə istinadən məlumatına görə, azərbaycanlı aktrisa Nəzrin Cavadzadənin "Ən yaxşı aktrisa" nominasiyası üzrə mükafata layiq görüldüyü gecədə dünya şöhrətli aktyor Van Damm da iştirak edib. "Mardan Palace Otel"in sahibi, azərbaycanlı iş adamı Telman İsmayılovun ailəsinin xüsusi dəvəti ilə Honkonqdan Türkiyəyə yollanan V.Damm Antalyada ilk dəfə olduğunu deyib:
"Bura gəldiyimə görə çox xoşbəxtəm. Siz olmasaydınız, mən bu səviyyəyə çatmazdım".
Mükafatlandırma mərasimində onunla selfi çəkdirmək istəyənlərin xətrinə dəyməyən dünya ulduzu Antalyanın bələdiyyə sədri Menderes Türel tərəfindən gecənin xüsusi mükafatına layiq görülüb.
Qeyd edək ki, Van Damm Türkiyədə yaxın dostu T.İsmayılovun otelində qalır.
Milli.Az
Böyütmək üçün şəkillərə klikləyin.