Şou-biznes

Space-dəki çal-çağırın iştirakçısı: “Bu çəkiliş idi də… Nə dəxli var. İndi vətən yolunda gediblər də…" - YENİLƏNİB - FOTO

2 Avqust 2014 23:01
124 Şərh     Baxış: 30 049
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

23:01

Dünən Azərbaycan ordusu 8, bu gün isə 4 hərbçisini şəhid verib.

Belə bir vaxtda "Space" kanalının musiqili verilişlərin yayımına ara verməməsi tamaşaçıların etirazına səbəb olub.

Telekanal hələ də öz efir proqramında dəyişiklik etməyib. Bu gün "Hər səhər" əyləncəli veriliş efirə gedib. Proqramda xalq artisti, kamança ifaçısı Abbasqulu Nəcəfzadənin ad günü qeyd olunub. Xalq artisti Teymur əmi, əməkdar artist Gülbahar Şükürlü, müğəni Səyyad Əlizadə, Ruhəngiz Musəvi və başqaları mahnılar ifa edərək səbəbkara ad günü təbriklərini çatdırıblar.

Milli.Az aktual.az-a istinadən bildirir ki, müğənnilər bu verilişin 4 gün əvvəl çəkildiyini, lakin bu gün efirə getdiyini deyiblər.

Səyyad Əlizadə verilişin efirə getməyindən təəssüfləndiyini deyib: " Bu veriliş çəkilişdir, canlı yayım deyil. 4 gün bundan əvvəl proqramın çəkilişində olmuşuq. Bilirsinizmi, mən özüm də övlad itirmişəm. Bir valideyn üçün bunun nə demək olduğunu hamıdan yaxşı bilirəm. Verilişə bu gün baxmamışam. Xəbərim yox belə yox idi. Ağlıma da gəlməzdi ki, efirə gedib. Düzü elə hər yer çal-çağırdır. Gərək hər yerdə onların ruhuna hörmət qoyulsun. Allah səbr versin. Yenə də təəssüflənirəm. Gərək efirə verilməyəydi".

Qarmon ustası Gülbahar Şükürlü isə insanların qəzəbini qazanmaqdan qorxduğunu deyib: " Bu veriliş 4 gün əvvəl çəkilib. Həmin gün hazırlıqsız gəlmişdim, əynimdə şalvar var idi. Kanalın əməkdaşlarından biri ilə əlaqə saxlayıb demişdim ki, məni efirdən kəsin, geyimim xoşuma gəlmir. Dünən də təkrar danışdıq, dedim indi səbəb çoxdur, yəqin ki, efir olmaz. Dedi siz nə danışırsınız, yəqin ki, sabah olmayacaq efirdə, o qədər şəhid vermişik. Səhər oyanıb baxdım, çox da pis həyəcan keçirdim. Qohumlarım da zəng edir. Axı insanlar bilmir ki, bu çəkilişdir. Səhər efir zamanı da zəng vurdum. Düz deyildi, o qədər gözüyaşlı analar var. Verməsəydilər yaxşı idi..."

Gülyanaq Məmmədova dünənki tədbirini təxirə saldığını və efirdə çıxışının nümayişindən xəbərsiz olduğunu deyib.

Ruhəngiz Musəvi isə nə iştirakından, nə nümayişdən narahat olmadığını bildirib: "Bu çəkiliş idi də... Nə dəxli var. Allah rəhmət eləsin, indi vətən yolunda gediblər də... Veriliş gözəl verilişdir, bizim də işimiz budur. Mənim heç kimə "pretenziyam" yoxdur... Mən belə fikirləşirəm".

--------

11:50

Xəbər verdiyimiz kimi, dünən Azərbaycan Ordusu 8, bu gün isə 4 əsgərini şəhid verib
Milli.Az axşam.az-a istinadən xəbər verir ki, belə bir vaxtda "Space" kanalının musiqili verilişlərin yayımına ara verməməsi tamaşaçıların etirazına səbəb olub.

Belə ki, telekanal, hələ də, öz efir proqramında dəyişiklik etməyib. Bu gün "Hər səhər" əyləncəli verilişi efirə gedib.

Proqramda xalq artisti, kamança ifaçısı Abbasqulu Nəcəfzadənin ad günü qeyd olunub. Xalq artisti Teymur əmi, əməkdar artist Gülbahar Şükürlü, müğəni Səyyad Əlizadə, Rühəngiz Musəvi və başqaları mahnılar ifa edərək səbəbkara ad günü təbriklərini çatdırıblar.

Milli.Az xəbər verir ki, hazırda kanalda hind filmi nümayiş olunur.

Milli.Az


Böyütmək üçün şəkillərə klikləyin.


Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.