18:25
Müğənni Gülyanaq Məmmədovanın boşanma xəbərinə cavab gəlib.
Müğənninin bacısı Gülyaz Məmmədova deyilənlərin yalan olduğunu bildirib.
Xəbərin yalan olduğunu söyləyən ifaçı mövqe.az-ın əməkdaşı ilə söhbəti zamanı belə deyib: "Onu deyənin dili qurusun. Bacım evində-eşiyində çox xoşbəxtdir. 8-9 ildi ailəlidir. Bir qızı, iki oğlu var. Çox da xoşbəxtdi. Yalan, boş-boş sözlərə inanmaq lazım deyil. Səhərdən bu xəbəri eşidib, gülüşürük".
---------
13:47
Əməkdar artsit Gülyanaq publika.az-a açıqlama verərək ailəsinin dağılmadığını deyib: "Verilişlər şou yaratmaq xatirinə bilmirlər nə danışsınlar.
Mənə dedilər ki, həyat yoldaşından ayrıldığınız deyilir. Dedim ki, boş söhbətdir. Götürüb anonsa elə veriblər ki, səs-küy yaratsınlar, reklam qazansınlar. Üç il əvvəl də belə şayiə yaymışdılar. Onda da bütün qohum-əqrəbam bu xəbərdən çox sarsılmışdı. Mən həyat yoldaşımı çox sevirəm, çox mehribanıq. Mənim atam-anam illərdir ki, bir yerdədir, ayrılmayıblar. Bu xəbər yoldaşım Ziyanı bərk əsəbiləşdirdi. Ziya dedi ki, telekanala gedib etirazımı bildirəcəyəm, qoymadım".
Ziya da publika.az-a danışaraq Gülyanaqla boşanmadığını dedi: "Bunu bircə sizə deyirəm, bilin. Nə vaxt xəbər yaysalar ki, güya mən Gülyanağı vurmuşam, döymüşəm, xətrinə dəymişəm, bilin ki, yalandır. Boşanmaq söhbəti ömür boyu ola bilməz".
-----------
12:37
Bəzi saytlarda əməkdar artist Gülyanaq Məmmədovanın həyat yoldaşı Ziyadan boşandığı haqda məlumat yayılıb.
Milli.Az aznews.az-a istinadən xəbər verir ki, xəbəri gülüşlə qarşılayan əməkdar artist barəsində yazılanların tamamilə yanlış oduğunu bildirib:
"Çox xoşbəxt ailəm, üç gözəl balam var. Allah hər kəsə belə gözəl ailə nəsib etsin".
Qeyd edək ki, Gülyanaq Məmmədova Rəşid Behbudov adına Dövlət Mahnı Teatrının da solistidir.
Milli.Az