Univision-2014-ün qalibi azərbaycanlı tələbə Günay Bədəlovadır.
Milli.Az-ın əməkdaşı ilə söhbətində o bildirdi ki, fərqli planları var:
- ADA Universitetinin beynəlxalq münasibətlər fakültəsində təhsil alıram. Musiqiyə marağım uşaqlıqdan, 8-9 yaşımdan var. Həmişə evdə müğənnilərə qulaq asıb, onlar kimi oxumağa çalışardım. Uşaqlıqdan bəri Selin Dion, Beyons kimi müğənnilərə pərəstişkarlıq etmişəm.
- Qalib gəldiyinizi anlayanda...
- Konsertəki çıxışdan qabaq çox stress keçirirdim. Səhnəyə çıxanda isə təlaşı, narahatlığı unutmağa, özümü toplamağa çalışdım. 4 dəqiqəlik çıxışımın qüsursuz olmasını istədim. Doğrusu, nəticələr səslənməyə başlayanda qalib olacağıma inanmırdım. İnana bilmirdim. Hər şey yuxu kimi idi. Çox sevinirdim.
- Eurovision-a qatılmaq istərdinizmi?
- Eurovision barədə hələ ki fikirləşmirəm. İndi mənim üçün ən önəmli məsələ təhsildir.
- Yəni gələcəkdə...
- Gələcəkdə istərdim ki, fəaliyyətimi öz sahəmdə davam etdirim. Yəni beynəlxalq münasibətlər sahəsində çalışım. Ali təhsilimi başa vurub karyera qurmaq fikrindəyəm.
Rüfət Əhmədov
Milli.Az
Böyütmək üçün şəkillərə klikləyin.