Şou-biznes

Teleaparıcı Nanə: "Ana olmaq istəyirəm" - FOTO

30 Avqust 2013 11:40
Baxış: 10 599

"Diskotekaya getməmişəm. Bizim ailədə buna çox pis baxırlar"


Tanınmış teleaparıcı Nanə Ağamalıyevanın "Qafqazinfo"ya müsahibəsi:

 - Həkimlikdən ayrılıb televiziyaya gəldiniz. Televiziyada sizi cəlb edən nə idi?

- Mən uşaqlıqdan aparıcı olmaq istəmişəm. Rejissor olaraq da özümü görürdüm, ssenarilər yazırdım. Aktrisa da olmaq istəyirdim, məktəbdə tez-tez səhnəciklər qururdum. Lakin valideynlərim razı olmadılar. Biz anamın istədiyi ixtisaslara yiyələnmişik. Anam məni həkim olaraq görürdü. Mən də Azərbaycan Tibb Universitetinə qəbul oldum. Universitetdə çox fəal idim. "Çinar" rəqs qrupunda rəqs edirdim. Universiteti bitirib diş həkimi işləməyə başladım. Həkimliyi çox sevirəm. İndiyə kimi valideynlərimə təşəkkür edirəm ki, onların israrı ilə bu təhsili aldım. Lakin düşünürdüm ki, bu mən deyiləm. VIII sinifə kimi rus bölməsində təhsil almışam. 5 yaşımdan Fidan adlı qızla dostluq edirdim. Məktəbdə dəcəllik etdiyimiz üçün məni Azərbaycan bölməsinə keçirdilər. Burada Azərbaycan dili və ədəbiyyatı müəllimim çox güclü idi. Ona görə indi mən Azərbaycan dilində mükəmməl danışıram. Amma ağlıma gəlməzdi ki, gəlib televiziyada karyeramı qura bilərəm. Məncə, bu bir qismətdir.

- Bəs televiziyaya gəlişiniz necə oldu?

- Universitetdə də, xəstəxanada da işləyərkən stolun üstə çıxıb hər gün şou göstərirdim. Yaşlı həkimlər mənim dəcəlliklərimə baxırdılar. Hələ də vaxtım olanda xəstələrimi müalicə edirəm. Ölkə xaricinə gedib ixtisasımı mükəmməlləşdirməyi planlayırdım. Doğum günümdə düşündüm ki, dəyişiklik etməliyəm və internet kluba getdim ki, televiziyalara CV göndərim. Rəfiqəm elə internetdə yazdı ki, radioda televiziyaya aparıcı axtardıqları barədə elan gedib, nömrəni götürüb zəng etdim, kastinqlərdə iştirak etdim və 500 nəfərin içindən seçildim.

- Sizcə, Nanə Ağamalıyeva deyəndə tamaşaçının ağlına kim və hansı obraz gəlir?

 - Heç istəməzdim belə olsun. Son vaxtlar Nanə deyəndə ağıla müğənniləri ağladan aparıcı gəlir. Məni yaxşı şeir deyən aparıcı  və həkim qız olaraq da xatırlayırlar.

- "Ulduz oldun" verilişində müğənniləri bilərəkdən, reytinq xatirinəmi ağladırdınız, yoxsa elə alınırdı?

- Elə alınırdı. Təməli Aygün Kazımova qoydu. İlk qonağım idi və qızı İlqarədən danışanda ağlamağa başladı. Daha sonra qonağım Nisə Qasımova oldu. Anası rəhmətə getdiyi üçün efirə çıxmaq istəmirdi. Nisə xanımı dünyalar qədər sevirəm. Bilirdim ki, o insan anasına çox bağlıdır və o veriliş böyük reytinq toplayacaq. Daha sonra Vasif Məhərrəmli gəldi, sonra Nadir Qafarzadə qonaq oldu. Veriliş səmimi insanlar üzərində quruldu. Nə onlar oynadı mənimlə, nə də mən onlarla. Düzdür, verilişimdə rol oynayanlar da oldu, gələn kimi başlayırdılar ağlamağa və mən başa düşmürdüm, nəyə görə ağlayırlar. Əsasən bunlar gənc ifaçılar idi, onlardan çəkinirdim. Çünki insan dərdini belə tez danışmaz. Elə insanlar olurdu ki, deyirdim onları ağlatmayacam. Amma ürəklə elə danışırdım ki, onlar başlayırdı ağlamağa və mən də onlara qoşulurdum. Mən çox kövrək insanam. Aşıq Tellini heç vaxt ağlatmaq istəməzdim. Düşünürdüm ki, bu qadın ağlamaz, amma ağladı. Manana heç yerdə danışmadığı hadisələri mənim verilişimdə danışdı, Bakıya köçmə səbəbələrini açıqladı.  Bütün verilişlər maraqlı alındı. Buna görə hər kəsə təşəkkür edirəm.

- "Mən bir az ondan danış" şeiri sizin ifanızda məşhurlaşdı. Bu şeir haqda nə deyə bilərsiniz?

- Şeirin müəllifi Vüqar Rahildir. Bu şeiri ilk dəfə sumqayıtlı otaq yoldaşlarımdan eşitdim. Dedilər müəllifi Nüsrət Kəsəmənlidir. Nə qədər axtardım, müəllifi tapmadım və efirdə şeirin müəllifinin Nüsrət Kəsəmənli olduğunu dedim. Bu şairin şanssızlığı idi. Amma şeir mənim ifamda bəyənildi və məşhurlaşdı.

- Teleaparıcılardan kimləri bəyənirsiniz?

- ATV kanalında çalışan bütün aparıcıları sevirəm. Digər telekanallardan Kamilə Babayeva, Nəsib, dj Fateh, Murad Arif, İlham Mirzəyev, Nərgiz Cəlilova sevdiyim aparıcılardır.

- Televiziyada kimləri və nələri görmək istəməzdiniz?

- Mən səmimi insanam. Ona görə düzünü deyəcəm. Reytinq xətrinə şəxsi həyatından nələrisə yalandan paylaşan insanlar məndə ikrah hissi oyadır. Çünki mən həqiqətləri bilirəm və onların necə oynadığını görürəm. Bu cür hadisələrin baş verməsini istəməzdim. O ki qaldı kimləri görmək istəmirəm sualına, hamını görmək istəyirəm. Məndə aqressiya yoxdur.

- Ailə qurmaq haqqında düşünmürsünüzmü?


 - Mən heç vaxt aşırı ailə qurmaq həvəskarı olmamışam. Mən bu insanla həyatımın sonuna qədər yaşaya bilərəm, o insana aid ola bilərəm və ya o insan mənə aid ola bilər deyib söykənə biləcəyim biri qarşıma çıxmayıb. Uşaqları həddindən artıq çox istəyirəm. Allahın qismətinə çox inanıram. İstəyirəm ki, yanımdakı insan mənə doğma əziz olsun, ata evindən çıxanda ağlaya-ağlaya çıxmayım, gözlərim sevincdən parıldasın.

 - Karyeranızı televiziyada qurmusun. Kariyeranızı ailənizə qurban verərsinizmi?

 - Əlbəttə, qurban verərəm. Ailə qurmaq, ana olmaq istəyirəm. İstəyirəm uşağımın ilk addımını mən görüm. Niyə dayə görməlidir? Neçə il əvvəl bu sualı mənə versəydiniz, yox deyərdim. Amma indi fərqli düşünürəm. Hazırda işim məni xoşbəxt edir. Ailə qurduğum adam məni işim qədər xoşbəxt edəcəksə, televiziyadan ayrılaram.

- Xəyalınızdakı "Ana Nanə" obrazı necədir?

- Siz haradan bildiniz ki, mən iki gündür bu haqda düşünürəm? Xəyalımdakı "Ana Nanə" çox şən, pozitiv, dost, uşağının hər addımını biləcək, onu xoşbəxt edəcək və o xoşbəxtliyi ona dəfələrlə xatırladacaq ana olacaq. Çalışacam həyatımın heç bir neqativini ona hiss etdirməyim. Bizi kənardan bədbəxt etmək istəyən insanlar çoxdur. Uşağımı çox şən və pozitiv böyüdəcəm. O zaman ona heç nə təsir etməyəcək və o mükəmməl olacaq. İstəyirəm uşaqlarım məni adımla çağırsınlar. Düşünürəm ki, mənə ana desələr, kövrələrəm. İstəyirəm ki, mama yox, ana desinlər.

- Həyatınızda hansı məqamlar var ki, onların baş verməsini istəməzdiniz?

- Çox təəssüf ki, həyatımda görmək istəmədiyim insanların hamısı ilə rastlaşdım. Həyatda heç nə səbəbsiz olmur. Qardaşımın rəhmətə getməsini heç istəməzdim. Ondan sonra gözlərim gülmür, üzüm gülsə də, gözlərim gülmür. Valideynlərim arzu və xəyallarının yarısını onunla itirdilər.

- Haqqınızda təhqirlər və tənqidlər oxuyanda nə düşünürsünüz, hansı hisləri keçirirsiniz?

- Axır vaxtlar təhqirləri oxumuram, şəkil paylaşıram şərhlərə baxmıram, şifrəmi dostlarım bilir girib təhqirləri silirlər. Mən o təhqirləri öz aləmimdə oxumuram, gözüm görür, amma görməzliyə vururam. Təhqir edənlərə tərbiyəsiz və əlinə fürsət düşən insan kimi baxıram. Elə tənqidlər var ki, bizim xeyirimizə olur. Biz bu cəmiyyət üçün yaşayırıq. Onların tənqidini necə nəzərə almamaq olar? Əgər bu gün özümüzü qonşuya göstərmək üçün bahalı telefon alırıqsa, qohumdan utanıb istədiyimiz böyük hadisələrdən imtina ediriksə, deməli, cəmiyyətin fikri bizə maraqlıdır.

- Nanə müasir qadındır?

 - Müasirlik nədir mən bilmirəm. Mən diskotekaya getməmişəm. Bizim ailədə buna çox pis baxırlar. Televiziyaya gələndən sonra sərbəstləşmişəm. Əsas odur evdə özümü doğrultmuşam. Mən heç vaxt klublara getmirəm. Orada mənim ruhum qidalanmır. Mən Məhəbbət Kazımova, Baloğlan Əşrəfova, Akif İslamzadəyə, Şövqət Ələkbərovaya qulaq asıram və milli rəqslər edirəm.

- "Gül güzeli" mahnısını ifa etmişdiniz. Oxumaq fikri sizdə necə yarandı?

- Türkiyədə dedim ki, bu mahnını ifa edə bilərəm. Mənə dedilər ki, ifa edə bilməzsən, çox çətindir. Gökhan Hakan qardaşlar var. Onlara zəng etdim dedim bu mahnının minusunu mənim üçün çıxarda bilərsiniz? Dedilər ki, çox çətindir. Daha sonra zəng etdilər ki, bir dəfə xahiş etmisiniz gəlib ifa edin. Mahnı internetdə yayılanda mən Türkiyədə idim. Bir gündə 10 min dəfə izlənmişdi. Müğənnilər yazırdı ki, çörəyimizi əlimizdən aldın və heç kim mənfi rəy yazmadı. Düşünürəm ki, bunu davam etdirmək lazımdır. Artıq növbəti mahnı hazırdır, yaxın günlərdə səslənəcək.

- Yeni mövsümdə hansı yeniliklər və layihələr olacaq?

- "Gün keçir" proqramı tam fərqli formatda ekranlara gələcək. Mən tamaşaçı olsaydım, sevə-sevə izləyərdim. Tamaşaçını bir çox sürprizlər gözləyir və sentyabrda bu veriliş partlayış edəcək.

Milli.Az


Böyütmək üçün şəkillərə klikləyin.


Məqalədə:

Şərhlər:

  • Anonim
    Fındıkzade · 30 Avqust 2013 12:07

    Naneyi illerce takip ediyorum iki hatasını gördüm ..
    1. en son çay reklamı pisdi hiç xosuma gelmedi 2. iran bayrağının önünde şekil çektirmesi.. başkada bir hatasını görmedim ... o kadar kusur kadı kızında da olur önemli değil.. boşver..

    Cavab yaz
  • Anonim
    musa · 30 Avqust 2013 12:14

    Çox gözəlsiniz.

    Cavab yaz
  • Anonim
    Nura M. · 30 Avqust 2013 12:25

    Maraqli meqale idi,

    Cavab yaz
  • Anonim
    Atilla ben · 30 Avqust 2013 12:45

    ALLAH CANINI SAĞ ETSİN

    Cavab yaz
  • Anonim
    Nikita · 30 Avqust 2013 13:26

    “Diskotekaya getməmişəm. Bizim ailədə buna çox pis baxırlar”))) diskoteka deyende Nanen ve ailesi ne dusunur goresen??? Beli, beli yaxsi qiz diskotekaya getmez ve aile de buna icaze vermez.. Amma gen bol silikonlar, cuzi maashla Porsche masini almaq olar... Bu normal qarsilanir... Bu milletin maskalanmaqini hec basa dusmek olmur..

    Cavab yaz
    • Anonim
      Anonim · 30 Avqust 2013 13:44

      ezizim ayda 700 manat maas alsa niye almir oboyda reklamlara havayi cekilir

      Cavab yaz
      • Anonim
        Anonim · 30 Avqust 2013 14:13

        Porsche ayda 700 manatla alinirsa onda Porsche zavod ancaq Azerbaycana islemelidi.

        Cavab yaz
      • Anonim
        Anonim · 30 Avqust 2013 17:11

        700 manat emek haqqi alan insan ...onda gerek 10 il bu insan yemesin icmesin xerclemesin 700 leri uste uste qoysa ala biler

        Cavab yaz
      • Anonim
        Anonim · 1 Sentyabr 2013 18:56

        men ayda 2000 azn maas aliram hec posche sahibi olmagi xeyalima da getire bilmirem

        Cavab yaz
  • Anonim
    Anonim · 30 Avqust 2013 13:51

    Nikita halaldi sene lap ureyimden kecenleri yazmisan -)))

    Cavab yaz
  • Anonim
    Fındıkzade · 30 Avqust 2013 15:15

    Porschesi olucak dünyayı diyar diyar gezecek ve Diskotekaya getməmişəm. sözü gerçekten ilginç ..
    Diskoteğe her giden pis değil ki medenice eğlenende var..

    Cavab yaz
  • Anonim
    Anonim гонаг · 30 Avqust 2013 15:38

    езиз журналистлер бир бахын корун инанлар неден тесели тапырлар озлери озлерине сенарилер гурурлар шернлер йазырлар ве дана нелер нелер нерден бунлара адамын йазыгы келир

    Cavab yaz
  • Anonim
    Anonim · 30 Avqust 2013 15:41

    bu qiz niye bu qeder sunidi goresen hec yapiwmirda adama

    Cavab yaz
  • Anonim
    HMMMMMMM · 30 Avqust 2013 16:08

    DIYIR ANA OLMAQ ISDIYIREM HELEM BIR EVLEN SONRA OLAR

    Cavab yaz
    • Anonim
      AnonimAylin · 30 Avqust 2013 16:58

      onlar ana olub sonra evenirler.........................

      Cavab yaz
    • Anonim
      AnonimAylin · 30 Avqust 2013 17:06

      onlar ana olub sonra evenirler.........................

      Cavab yaz
  • Anonim
    Anonim sarisin · 30 Avqust 2013 17:29

    Men sizi cox beyenirem.sizi yaxindan tanimasamda sizeyaxin olan insanlardan sizin haqqinizda ewitmiwem.cox savadli,medeni,yerini bilen,hormet etmeyi bacaran merd qiz.sadece size bir meslehet inaninku,ele zamandi ki,sizi kariyeraniz qeder xowbext ede bilecek bir insan inanmiram olsun.ona gore size yalniz istediyiniz arzu ya catmagi sadece gozel ana olmagi arzulayiram.kiwiye gore nece uller qurulan kariyeraya son vermezler.inanin mene.

    Cavab yaz
  • Anonim
    FIFA · 30 Avqust 2013 18:04

    ALLAH NESIB EDER INSANDIDA DEMEDIKI BUDEYQE ARZU EDIRDE HERBIR QADININ ARZUSUDU MEN OZUM ANAYAM ANA OLMAQ GOZELDI

    Cavab yaz
  • Anonim
    Anonim · 30 Avqust 2013 18:22

    zəhləm gedir bu qızdan.filə oxşayır

    Cavab yaz
    • Anonim
      Anonim · 30 Avqust 2013 18:57

      çox maraqlıdır sən özün nəyə oxşayısan

      Cavab yaz
  • Anonim
    Durust · 30 Avqust 2013 18:51

    Men bu qizi bir defe makiyajsiz gordum.Ujas. Ele bil Maykl Cekson xortdamishdi. Evveller verilishde menasiz bosh-bosh gulurdu ele.indi deyesen ipini yiqiblar.

    Cavab yaz
  • Anonim
    Anonim · 30 Avqust 2013 19:41

    ailan geyimiva fikir versa yaxsi olar diskateka sukurdur san getdiyin yerlari yazsam

    Cavab yaz
    • Anonim
      Anonim · 31 Avqust 2013 07:40

      "geyimive" yox, "geyimine" ay, men deyen!

      Cavab yaz
  • Anonim
    Anonim · 30 Avqust 2013 20:33

    Indi buda deyir men gozelem ?

    Cavab yaz
  • Anonim
    Anonim qız · 30 Avqust 2013 22:35

    Mini açıx saçıx qoyullar ama diskatekaya qoymullar ayaq sine hamidi silikon sene göxel demey olmaz ama mehriban qiza oxşuyur

    Cavab yaz
  • Anonim
    Anonim · 31 Avqust 2013 01:52

    zehlem gedireee bundan kamera goren kimi gozlerin bereldir niye bilmirem uzaqdan cekende normal baxir eleki kamera yaxinlawdi o dege gozlerin bereldib baxir? niye ay nane ekran qarwisinda oturanlara yazigin gelsin gozlerini bereltme qorxuram

    Cavab yaz
  • Anonim
    ramil · 31 Avqust 2013 10:42

    hec vaxt gozunuzle gormediyiniz sheye inanmayin chox adam chox shey danisa biler

    Cavab yaz
    • Anonim
      Anonim · 1 Sentyabr 2013 11:55

      reytinq xetrine oynayan aparici bu Zauru deyir,ele bilir helede ozunu sevir.

      Cavab yaz
      • Anonim
        Anonim · 1 Sentyabr 2013 16:40

        mencede zauru deyir

        Cavab yaz
      • Anonim
        Anonim · 1 Sentyabr 2013 16:41

        mencede zauru deyir

        Cavab yaz
  • Anonim
    Anonim · 1 Sentyabr 2013 13:59

    Nane ana olmaq chox sherefli missiyadir. Dushunurem bu sene yarashmaz. Amms belke de aglini bashina yigsan o da olar. ALLAH hamiya gozel ovlad payi nesib etsin.

    Cavab yaz
  • Anonim
    Anonim · 5 Fevral 2014 15:53

    Men nane xanimi cox sevirem

    Cavab yaz