Onlar Macarıstandadırlar
Milli.Az xəbər verir ki, xalq və estrada mahnılarının ifaçısı kimi tanınan Zarina Məmmədova bir neçə gündür, vətəndən uzaq düşüb.
Müğənni əməkdaşımızla söhbəti zamanı Bakıda olmamasının səbəbini belə izah etdi: "Artıq 5 gündür ki, Macarıstanın paytaxtı Budapeşt şəhərindəyəm.
8-ci Beynəlxalq Folklor Festivalında Azərbaycanı təmsil etmək mənə və gənc müğənnilərimizdən olan Günay İmamverdiyevaya nəsib oldu.
Günlərdir çıxışlar edirik. Zəngin Azərbaycan musiqiləri Braziliya, Ukrayna, Serbiya və başqa dövlətlərdən qatılan iştirakçıları heyran edir, deyə bilərəm.
İnşallah, Bakıya avqustun 11-də qayıdacağıq. Festival haqqında bütün xəbərləri vətəndə olanda oxucularınızla bölüşəcəyik".
Şahin Cavadsoy
Milli.Az