PUL
Mərasimin ləngiməsinə səbəb Xuraman və Elçin cütlüyünün toya gec gəlməsi oldu. Açıq havada gerçəkləşən toya cütlük "Hummer limuzin" markalı avtomobillə gəldilər.
Toy salonuna daxil olan səbəbkarlar ilk öncə "Nigah haqqında Şəhadətnamə"ni qəbul edərək, evlilik sənədlərini imzaladılar. Şahid qismində isə jurnalist Cavanşir Babəlioğlu və müğənni Səidə Sultan sənədi imzaladılar.
Daha sonra Xuramanın ifasında lirik mahnı səsləndi və cütlük rəqsləri ilə qonaqlara xoş təsir bağışladılar.
Toyda televiziyaların iştirak etməməsi, yalnız bəzi mətbuat nümayəndələrinin olması toyun çəkilişlərinə əvvəldən qadağa qoyulmasının nəticəsiydi.
Keçmiş "W-trio" qrupunun çıxışı toyun yadda qalan məqamlarından biri oldu. Belə ki, qrupun keçmiş üzvləri - Xuraman Şuşalı, Natavan Həbibi və Səidə Sultanın birgə ifaları qonaqları təəccübləndirdi. Bundan əlavə, həmişəki kimi müğənni Kərimin şıdırğı rəqs etməsi, həmçinin, aktyorlar Rafael İsgəndərovun və Coşqun Rəhimovun maraqlı hərəkətlərlə rəqsləri də diqqət çəkən məqamlardan idi.
Toyun aparıcılıq missiyası əvvəlcə Rüfət Axundova tapşırılsa da, sonra həmin missiyanı Gənc Tamaşaçılar Teatrının aktyoru və Xuramanın qrup yoldaşı Elnur Kərimov daşıdı. Toyu Rüfət Axundovun ansamblı müşayiət edirdi. Toya dəvət olunan sənətçilər arasında Faiq Ağayev, Firəngiz Mütəllimova, Rəqsanə, Natavan Həbibi, Səidə Sultan, Gövhər Həsənzadə, Fərda Xudaverdiyev, Emil Şahin, Elməddin Cəfərov, Yeganə Mürsəlova, Elnur Məmmədov, Nura Suri, Elariz, Emil Bədəlov, Elton Hüseynəliyev və başqaları vardı.
Qeyd edək ki, toy zamanı bəyin dindar olduğunu öyrəndik. Onu da öyrəndik ki, bəy "ANS" telekanalında çalışıb. Dindar bəy süfrələrdə alkoqollu içkilərin olmasına məhdudiyyət qoymuşdu.
Fuad Mədətov
Milli.Az
Foto və video Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.png)
.jpg)
.jpg)