Şou-biznes

Müğənni Almaz Ələsgərova vətəni tərk edir

21 Mart 2013 15:45
Baxış: 474
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
Milli.Az "Azadinform"a istinadən bildirir ki, buna səbəb əməkdar artistin  sabah Şimali Kiprin Doğu Akdeniz Universitetində təşkil olunan Novruz bayramı gecəsində solo-konsertlə çıxış etməsidir.

Vətəni tərk etmədən əvvəl Almaz Ələsgərova mətbuat sözçüsü Cəfər Mənsimi vaistəsilə bunları çatdırıb:  "Şimali Kiprin Doğu Akdeniz Universiteti Azərbaycan Tələbə Cəmiyyəti və adıçəkilən universitetin rəhbərliyi tərəfindən həmin universitetdə təşkil olunan Novruz bayramı tədbirinə solo-konsertlə çıxış etmək üçün dəvət aldım. Bu təklifi qəbul etmək və bayram günü azərbaycanlı tələbələrimizin yanında olmaq və Novruz ab-havası yaratmaq mənim mənəvi borcum idi.

Mənim özüm üçün də, tələbələrimizin qərib ölkədə necə bayram keçirtdikləri çox maraqlıdır. Xaricdə təhsil alan belə gənclərimiz bizim qürurumuz, fəxrimizdir. Onların hər biri ilə ayrılıqda tanış olmağa çalışacağam. Konsertin təşkil olunmasında əməyi keçən hər kəsə öncədən öz minnətdarlığımı bildirirəm. Fürsətdən istifadə edib, həmvətənlərimizin Novruz bayramını da təbrik edirəm" - deyə sənətkar bildirib.

Qeyd edək ki, Novruz gecəsi Şimali Kiprin Doğu Akdeniz Universitetitin Azərbaycan Tələbə Cəmiyyəti, "Kreativ Gənclər" Xaricdə Təhsil Alan Azərbaycanlı Tələbələrə Yardım İctimai Birliyinin və adıçəkilən universitetin təşkilatçılığı ilə reallaşacaq.

Milli.Az
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.