Milli.Az xəbər verir ki, ötən gün Lider TV də yayımlanan "Pərdə" verilişində meyxanaçı Namiq Qaraçuxurlu mütəmadi olaraq ona cadu edildiyini etiraf edib.
Diqqətinizə çatdıraq ki, aylar öncə Namiq "Pərdə"nin ""Tet-A-Tet" rubrikasında qonaq olarkən verilişin əməkdaşları tanınmış öncəgörücü Yeganə Zeynalovadan Qaraçuxurlu ilə bağlı proqnoz verməsini istəmişdilər.
Yeganə xanım Namiqin üzərində ağır bəd duaların olmasını təsdiqləmişdi.
Milli.Az-ın müxbiri dünən yayımlanan süjetlə bağlı yenidən öncəgörücünün münasibətini öyrənib: "Namiqin arzularına çatmasına mane olurlar. Tamaşaçılar da gördülər ki, çəkiliş zamanı onun avtomobili açara düşdü, hamısı bəd duaların nəticəsidir.
Məsləhət görmüşdüm, yenə də deyirəm ki, idarə etdiyi maşını dəyişsə, yaxşıdır. Onun üzərində ümumilikdə 6 ağır cadu var. Biri avtomobilindədir, biri yaşadığı binanın qarşısında, qalan 4-ü də qohum-əqrəbasının məzarı olan qəbiristanlıqda.
4 qəbir görürəm, 2 qadın, 1 kişi və uşaq qəbirində onun arzularına çatmaması naminə cadular basdırılıb. Mənə yox, cadu çıxaranlara müraciət etsin. Nə qədər gec deyil bu tilsimləri özündən təmizləsin. Xeyir qazanacaq, əmin olsun".
Mövzu sizə daha aydın olsun deyə, Namiq Qaraçuxurlunun sözügedən proqramda yayımlanan süjetlərini eyni linkdə sizə təqdim edirik.
Şahin Cavadsoy
Milli.Az