Şou-biznes

Bölgənin ulduzu Bakıdakı şou-biznesi bəyənmir - FOTO

7 Fevral 2013 16:07

0 Şərh Baxış: 484

#AZERBAİJAN

Milli.Az-ın əməkdaşı inzibati binası Şəki şəhərində yerləşən "Kanal S" televiziyasında qonaq olarkən bölgənin ulduzu, "Nuxa" instrumental ansamblının solist Mehriban Mustafayeva ilə tanış olub.

Sözügedən telekanalda canlı performans nümayiş etdirən Mehriban xanım çəkilişdən sonra bölgənin ulduzu kimi şou-gündəmində adi qarşılanmayacaq açıqlama ilə çıxış etdi: "Bəli, mən Azərbaycanın şimal-qərb bölgəsinin ulduzuyam. Özünü tərif kimi çıxmasın, buradakı populyarlığımdan çox razıyam. Təşkil olunan əksər tədbirlər, el şənliklərində ansambl olaraq səhnə alırıq.

Peşəkar musiqiçilərdən ibarət olan heyətimizdə Nurməmməd adlı istedadlı müğənni də fəaliyyət göstərir. Allaha çox şükür, artıqlaması ilə çörək pulumuzu qazanırıq. Fikirlərimi səmimi etirafımla yekunlaşdırmaq istəyirəm.

Açıq deyəcəyəm, mən Bakıdakı şou-biznesi bəyənmirəm. Süni qalmaqallar, yalançı dostluqlar xasiyyətimə ziddir. Şəki başda olmaqla, regionumuzun parlaq ulduzu olmaqla kifayətlənirəm..."

Şahin Cavadsoy
Milli.Az

Böyütmək üçün şəkillərə klikləyin.