Müğənni və aktrisa Yeşim Salkım evi tərk edən aktyor həyat yoldaşı Hakan Eratiklə alış-verişə çıxıb.
Axşam.az "Hürriyət"ə istinadən xəbər verir ki, qızları Ada da yanlarında olan cütlük jurnalistlərin suallarını cavablandırmayıb.
Müğənni müxbirlərə "Heç nə soruşmayın, cavab olmayacaq. Kiçik problem idi. Çətin vaxtlarımızdır, ümid edirəm, yoluna qoyacağıq", - deyə reaksiya göstərib. H.Eratik isə: "İndi bu mövzuların yeri deyil", - söyləyib.
Qeyd edək ki, Yeşimlə Hakan 2009-cu ildə ailə qurublar. H.Eratik ötən ay evi tərk edərək Y.Salkımdan boşanmaq istədiyini bildirmişdi.
Milli.Az