Dünya

Moskvada qətlə yetirilən Azərbaycan vətəndaşının şəxsiyyəti müəyyənləşdi - YENİLƏNİB

12 Noyabr 2013 14:00

9 Şərh Baxış: 4 542

#POPULYAR XƏBƏRLƏR #AZERBAİJAN #DÜNYADA #RUSSİA #HADİSƏ, KRİMİNAL

Onu qətlə yetirən şəxsin də artıq müəyyənləşdiyi bildirilir

14:00

Rusiya paytaxtında qətlə yetirilən Azərbaycan vətəndaşının şəxsiyyəti müəyyənləşib.

Bu barədə APA-ya Azərbaycan Daxili İşlər Nazirliyinin Rusiya Federasiyasındakı nümayəndəsi, polis polkovniki Eldar Səmədov məlumat verib. Onun sözlərinə görə, noyabrın 12-nə keçən gecə paytaxtın Bryanskaya küçəsi, ev 3 ünvanında qətlə yetirilən şəxs 1971-ci il təvəllüdlü, Yevlax rayonunda doğulmuş Bayramov Asif İsa oğlu olub.

Onun çoxsaylı bıçaq zərbələri ilə qətlə yetirildiyi məlum olub. Asif Bayramovun əvvəllər məhkum həyatı yaşadığı da məlum olub.

Onun Moskvada gül biznesi ilə məşğul olduğu bildirilir.

Faktla bağlı cinayət işi açılıb, araşdırma aparılır. Həmyerlimiz qətlə yetirən şəxsin artıq müəyyənləşdiyi də bildirilir. Onun tutulması istiqamətində əməliyyat axtarış tədbirləri həyata keçirilir.

----------
09:37

Ötən gecə Moskvanın qərbində Azərbaycan vətəndaşı olan kişinin cəsədi tapılıb. Milli.Az Rusiya mətbuatına istinadən xəbər verir ki, 1971-ci il təvəllüdlü azərbaycanlı aldığı çoxsaylı yaralar nəticəsində dünyasını dəyişib.

Hadisənin təfərrüatları haqqında, hələ ki, məlumat yoxdur.

Milli.Az