Siyasət

Əli Əhmədov: "İqtisadi maraqlar Azərbaycan-Moldova əməkdaşlığının inkişafını zəruri edir"

22 İyun 2017 15:56

Baxış: 790

#DÜNYADA #SİYASƏT #CƏMİYYƏT

Bu gün Yeni Azərbaycan Partiyasının (YAP) qərargahında Moldova rəsmiləri ilə görüş keçirilib.

Milli.Az Trend-ə istinadən xəbər verir ki, YAP Sədrinin müavini - icra katibi Əli Əhmədov Moldova Sosialistlər Partiyasının sədri Zinaida Qreçanini və Moldova Prezident aparatı rəhbərinin müavini Nikolay Posturusu qəbul edib.

Ə.Əhmədov bildirib ki, Azərbaycan ilə Moldova arasında səmərəli əməkdaşlıq mövcuddur. İki ölkənin mövqeləri bir çox məsələlərdə üst-üstə düşür: "Beynəlxalq müstəvidə də Azərbaycan ilə Moldova arasında səmərəli əməkdaşlıq mövcuddur. İqtisadi maraqlar iki ölkə arasında əməkdaşlığın inkişaf etdirilməsini zəruri edir".

Ə.Əhmədov vurğulayıb ki, iki ölkənin hakim partiyaları arasında da yüksək əlaqələr mövcuddur: "Əlaqələrin bundan sonra da inkişaf etdirilməsi hər iki tərəfin marağındadır".

Daha sonra çıxış edən Z.Qreçanini Azərbaycanda səfərdə olduqlarından məmnun olduğunu bildirib. O qeyd edib ki, son 20 il ərzində Azərbaycan ilə Moldova arasında yüksək əlaqələr formalaşıb, bir sıra sahələrdə səmərəli əməkdaşlıq mövcuddur: "Moldova Prezidenti İqor Dodonun Azərbaycana səfəri və keçirilən görüşlər iki ölkə arasında əməkdaşlığın yeni səhifəsini açacaq".

Görüşdə Azərbaycanın Moldovadakı səfiri Qüdsi Osmanov da iştirak edib.

Milli.Az

Digər maraqlı xəbərlər Milli.Az-ın Facebook səhifəsində