Siyasət

"Qərarı qəbul edənlər lazımi cavablarını alacaqlar"

26 Aprel 2017 16:36

Baxış: 1 211

#SİYASƏT #TÜRKİYƏ

"AŞPA-nın Türkiyə ilə bağlı monitorinqi bərpa etmək barədə qərarı təməlləri, əsası olmayan, Türkiyə gerçəkliklərini əks etdirməyən, ədalətsiz və qərəzli bir qərardır və Türkiyə dövləti və milləti üçün yox hökmündədir".

Bunu Milli.Az-a açıqlamasında Milli Məclisin üzvü, professor Musa Qasımlı deyib.

Millət vəkilinin fikrincə, türk milləti ikili standartların iyrənc nümunəsi, istifadəsiz kağız parçası qədər qiymətsiz olan və səlib yürüşləri dövrünün psixologiyasının bərpasına yönəlmiş bu qərarı heç bir zaman qəbul etməz: "Türkiyənin atacağı cavab addımları tamamilə düzgün və məntiqi olacaqdır. Türk milləti heç kimsənin haqsız qərarlarına boyun əyməz. Qərarı qəbul edənlər lazımi cavablarını da alacaqlar".

İlkin İzzət
Milli.Az

Digər maraqlı xəbərlər Milli.Az-ın Facebook səhifəsində