Siyasət

"ABŞ diqqətini Azərbaycanla münasibətlərinə yönəltsə..." - "Diplomatic Courier"

20 Aprel 2017 15:18
Baxış: 860

"Amerika Birləşmiş Ştatları (ABŞ) diqqətini Azərbaycanla münasibətlərinə yönəltsə, müdrik addım atmış olar".

Milli.Az Trend-ə istinadən xəbər verir ki, bunu "Xarici siyasətdə peşəkarlar" Düşüncə Mərkəzinin əməkdaşı Daniel Urçik "Diplomatic Courier" jurnalındakı məqaləsində yazıb.

Müəllif qeyd edir ki, ABŞ Azərbaycanla diplomatik, iqtisadi, eləcə də təhlükəsizlik sahəsində münasibətləri möhkəmləndirməlidir:

"Bu, ABŞ-a regionda öz təsirini gücləndirməyə imkan verəcək. Azərbaycanla münasibətlərin inkişafına diqqətin yönəlməsi enerji təhlükəsizliyinin təmin olunmasından, Türkiyə və İsrail kimi ölkələrlə münasibətlərin yaxşılaşdırılmasınadək ABŞ-a kömək göstərə bilər".

Məqalədə qeyd olunur ki, Azərbaycanın Türkiyə və İsraillə sıx münasibətləri ABŞ-a bu ölkələrlə gərginləşmiş münasibətləri yaxşılaşdırmaq imkanı verir.

Milli.Az

Digər maraqlı xəbərlər Milli.Az-ın Facebook səhifəsində

DİGƏR XƏBƏRLƏR

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.