Siyasət

Aqramunt Qarabağdan danışdı: "Vəziyyət təhlükəlidir"

23 Yanvar 2017 17:42
Baxış: 1 767

Bu gün Strasburqda Avropa Şurası Parlament Assambleyasının (AŞPA) qış sessiyası keçirilib.

Milli.Az azvision.az-a istinadən xəbər verir ki, yenidən AŞPA sədri seçilən Pedro Aqramunt çıxışında Dağlıq Qarabağ münaqişəsindən söz açıb. 

AŞPA sədri ötən ilin aprel ayında Ermənistanla Azərbaycan arasında ağır döyüşlərin baş verdiyini xatırladaraq, bölgədə vəziyyətin təhlükəli olduğunu, hər an alovlana biləcəyini vurğulayıb: "Münaqişələr müharibə yolu ilə həll edilə bilməz. Bizim bu məsələdə rolumuz olduqca əhəmiyyətlidir. Parlament diplomatiyası və dialoqun aparılması vacibdir. Assambleyamız münaqişələrin həll edilməsində öz parlament diplomatiyası potensialından maksimum dərəcədə istifadə etməlidir".

Qeyd edək ki, AŞPA-nın qış sessiyasında Azərbaycanı Milli Məclisin beynəlxalq münasibətlər və parlamentlərarası əlaqələr komitəsinin sədri Səməd Seyidovun başçılıq etdiyi nümayəndə heyəti təmsil edib.

Milli.Az

Digər maraqlı xəbərlər Milli.Az-ın Facebook səhifəsində

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.