Siyasət

TürkPA missiyasının rəhbəri: "Referendumda fəallıq yüksəkdir"

26 Sentyabr 2016 13:48
Baxış: 524

Azərbaycan vətəndaşlarının Konstitusiyaya dəyişikliklər üzrə referendumda fəallığı yüksəkdir.

Milli.Az bildirir ki, bunu Trend-ə TürkPA müşahidə missiyasının rəhbəri, Türkiyə parlamentinin deputatı Haluk İpək deyib.

Onun sözlərinə görə, Azərbaycanda referendum sakit keçir, seçici fəallığı yüksəkdir.

H.İpək qeyd edib ki, əhalinin 40-45 faizi artıq səs verib.

Qeyd edək ki, Azərbaycanda ölkə Konstitusiyasında dəyişikliklər edilməsi məqsədilə ümumxalq səsverməsi (referendum) keçirilir. Referendum saat 08:00-da başlayıb və səsvermə saat 19:00-da başa çatacaq.

Referendumu izləmək üçün 117 beynəlxalq müşahidəçi Mərkəzi Seçki Komissiyasında akkreditasiyadan keçib. Onlar təxminən 35 ölkənin, Avropa Şurası Parlament Assambleyası da daxil olmaqla, müxtəlif beynəlxalq təşkilatların nümayəndələri, parlamentarilərdir. Ümumilikdə müşahidəçilərin sayı 53 minə yaxındır.

Seçki məntəqələrində proseslərin bütünlüklə izlənilməsi məqsədilə bütün ölkə coğrafiyasını əhatə edən 119 seçki dairəsi üzrə 1000 seçki məntəqəsində (təqribən 20%) veb-kamera quraşdırılıb. Seçkilərdə 5600-dən artıq seçki məntəqəsi var. Hər seçki məntəqəsinə 10-a yaxın müşahidəçi düşür.

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.