Siyasət

Azərbaycan xalqının zəngin mədəniyyətlərarası və dinlərarası dialoq təcrübəsi dünya üçün nümunədir

27 Aprel 2015 19:55

Baxış: 1 758

#AZERBAİJAN #SİYASƏT

Xarici işlər naziri Elmar Məmmədyarov Fransanın Yəhudi İnstitutlarının Təmsilçilik Şurasının prezidenti Rocer Çukermanın başçılıq etdiyi nümayəndə heyətini qəbul edib.

Milli.Az bildirir ki, XİN-in mətbuat xidmətindən Trend-ə verilən məlumata görə, görüşdə R.Çukerman Azərbaycanın sürətli inkişafının böyük təəssüratlar doğurduğunu diqqətə çatdırıb və Azərbaycan xalqının zəngin mədəniyyətlərarası və dinlərarası dialoq təcrübəsinin dünya üçün nümunə olduğunu vurğulayıb.

E.Məmmədyarov Azərbaycanın milli təcrübə əsasında beynəlxalq səviyyədə mədəniyyətlərarası dialoqa verdiyi töhfəsindən danışaraq, ölkəmizin əldə etdiyi nailiyyətlər haqqında ətraflı məlumat verib.

Görüşdə qarşılıqlı maraq doğuran məsələlər ətrafında fikir mübadiləsi aparılıb.

Milli.Az