Siyasət

Britaniya hökuməti qondarma "Dağlıq Qarabağ respublikası"nı və onun "məhkəmə"sini tanımır

28 Yanvar 2015 15:50

0 Şərh Baxış: 792

#DAĞLIQ QARABAĞ

Lord Con Teylor Kilkluninin Böyük Britaniya parlamentində ünvanladığı sualı cavablandıran ölkənin Xarici İşlər Nazirliyinin dövlət məsələləri üzrə naziri Baronessa Anelay bildirib ki, Böyük Britaniya hökuməti qondarma "Dağlıq Qarabağ respublikası"nı tanımır.

Avropa-Azərbaycan Cəmiyyətindən (TEAS) Trend-ə verilən məlumata görə, Lord Kilkluninin sualı qohumlarının işğal olunmuş Azərbaycan ərazilərindəki məzarlıqlarına baş çəkərkən, Ermənistan silahlı qüvvələri tərəfindən pusquya salınan və girov götürülən iki azərbaycanlı mülki şəxsin - Şahbaz Quliyev və Dilqəm Əsgərovun taleyi ilə bağlı olub.

"Dağlıq Qarabağ respublikası"nı tanımaması ilə yanaşı, Baronessa Anelay qeyd edib ki, Britaniya hökuməti sualda qeyd edilən məhkəmə icraatının hüquqi bazasını tanımır.

Dövlət məsələləri üzrə nazir Böyük Britaniya hökumətinin iki girovun taleyi məsələsini Beynəlxalq Qırmızı Xaç Komitəsi qarşısında da qaldırdıqlarını dilə gətirib.

Milli.Az