Siyasət

İsveçrə ilə Azərbaycan arasında viza rejimi aradan qaldırıla bilər

1 Avqust 2014 20:27
1 Şərh     Baxış: 685
"İsveçrə ilə Azərbaycan arasında viza rejimi aradan qaldırıla bilər". Trend-in məlumatına görə, bu barədə bu gün Azərbaycan xarici işlər nazirinin müavini Mahmud Məmmədquliyev deyib.

Onun sözlərinə görə, İsveçrə ilə Azərbaycan arasında viza rejimi və readmissiya haqqında danışıqlar başa çatıb: "Ümidvarıq ki, yaxın gələcəkdə bu sənədlər imzalanacaq və ratifikasiya olunacaq".
 

M.Məmmədquliyev bildirib ki, bu proses başa çatdıqdan sonra diplomatik və xidməti pasport sahibləri vizasız gedib-gələcək, adi vətəndaşlar üçün isə viza sənədlərinin sayı və viza rüsumunun məbləği azaldılacaq: "Gələcəkdə isə ümumiyyətlə, vizaların aradan qaldırılması məsələsi üzrə də razılığa gələ bilərik".
 

Nazir müavini əlavə edib ki, hazırda 240 azərbaycanlı tələbə İsveçrə universitetlərində təhsil alır: "Onların da 70-i dövlət proqramı çərçivəsində təhsil alır".

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.