"ABŞ Dövlət Departamentinin ölkəmizdə dini təriqətlərin qeydiyyatı ilə bağlı yanaşması Azərbaycan hakimiyyətinin dinə münasibətinin obyektiv ifadəsi deyil".
Bu barədə Trend-ə millət vəkili Fəzail Ağamalı ABŞ Dövlət Departamentinin 2013-cü il üçün Beynəlxalq Dini Azadlıqlar Hesabatında Azərbaycanla bağlı fikirləri şərh edərkən deyib.
F.Ağamalı Azərbaycanda dini təşkilatların dövlət qeydiyyatından keçməsi tələbi səbəbindən qeyri-ənənəvi dini təriqətlərin qeydiyyata alına bilmədiyi vurğulanan hesabatın qeyri-obyektiv olduğunu qeyd edib: "Məsələ burasındadır ki, Azərbaycanda qeyri-ənənəvi təriqətlər pozuculuq işləri və Azərbaycanın əsrlərdən bəri formalaşmış dini-mənəvi dəyərlərinə ciddi zərbələr vurmaq kimi xoşagəlməz fəaliyyətlə məşğuldur. Bu cür qeyri-ənənəvi təriqətlər Azərbaycanda cəmiyyət tərəfindən qəbul edilmir, həm də ona görə qəbul edilmir ki, bu cür təriqətləri insanlar inanaraq qəbul etmirlər, bura pul vasitəsilə, müxtəlif maraqlarının təmin edilməsi üçün, müəyyən hədiyyələrin verilməsi yolu ilə cəlb olunurlar".
Millət vəkili bildirib ki, bu cür təriqətlərin din azadlığı ilə hər hansı bir bağlılığı yoxdur: "Azərbaycan dünyada ən tolerant, bütün dinlərin və sivilizasiyaların yüksək səviyyədə vəhdət təşkil etdiyi bir ölkədir. Dünyada, bəlkə də, Azərbaycan kimi nümunəvi bir ölkə tapmaq olmaz ki, burada müsəlmanlığın, xristianlığın əsas təriqətləri heç bir məhdudiyyət olmadan öz fəaliyyətini qurur və həmin icmaların rəhbərləri arasında çox yüksək əməkdaşlıq münasibətləri, bir-birinə qarşılıqlı hörmət münasibətləri mövcuddur".
F.Ağamalı əlavə edib ki, dini təşkilatların dövlət qeydiyyatından keçməsi tələbi tamamilə normaldır və təbii qarşılanmalıdır: "Azərbaycanda marağı olan ayrı-ayrı ölkələr həm də qeyri-ənənəvi dini təriqətlər vasitəsilə maraqlarını təmin etməyə cəhdlər göstərirlər. Ona görə də ayrı-ayrı dövlətlərin xüsusi xidmət orqanlarının təsiri altında olan bu cür qeyri-ənənəvi dini təriqətlərin Azərbaycanda fəaliyyətini məhdudlaşdırmaq üçün bu cür addımların atılması tamamilə məntiqidir".
Millət vəkili vurğulayıb ki, Azərbaycanda əsas dinlərin və həmin dinlərin ənənəvi təriqətlərinin fəaliyyətinə hər hansı məhdudiyyət yoxdur və onların qeydiyyata alınması da tamamilə normal bir prosedurdan keçir: "Bu da təbiidir, çünki bütün dünyada olduğu kimi, Azərbaycanda da vətəndaşları bu və ya digər formada özündə birləşdirən qurumlar dövlətin nəzarətindən kənarda qalmamalıdır. Əlbəttə, qanunlar çərçivəsində dini icmaların fəaliyyətinin tamamilə araşdırılıb, öyrənilib, cəmiyyət üçün, dövlət üçün, insanlar üçün təhlükəli olmadığı qənaətinə gəldikdən sonra onlar qeydiyyata alınır, onların fəaliyyətinə normal şərait yaradılır. Buna başqa cür qiymət vermək ədalətsizlikdir. Hər hansı bir dini təriqət altında gizlənən, lakin mahiyyət etibarilə terrorçuluqla məşğul olan bir qrup hansı ölkədə qəbul edilə bilər? Ona görə də məsələnin hesabatda bu cür izahı qeyri-obyektivliyin, Azərbaycana qərəzli münasibətin və təzyiqin bir forması kimi qiymətləndirilməlidir".
Milli.Az
Siyasət
Fəzail Ağamalı: "ABŞ Dövlət Departamentinin hesabatı Azərbaycanın dinə münasibətinin obyektiv ifadəsi deyil"
30 İyul 2014 16:16
Baxış: 458
DİGƏR XƏBƏRLƏR
- “Avtomobil yolları haqqında” qanun dəyişdi
- Solovyov yenə geri addım atdı - Uğursuz erməni sifarişi
- Bakının informasiyası var: 5 apreldə nə baş verəcək?
- Muzdlu kölənin arzuları: Rasmussen yeni müharibə istəyir
- Ombudsman Xankəndidə erməni əsilli sakinlərlə görüşdü
- Politoloq: Rusiyada yaşayan zəngin ermənilər Moskva üçün təsir və təzyiq vasitəsidir
XƏBƏR LENTİ
- Ehtiyatda olan polkovnik-leytenant vəfat etdi - FOTO
- Paşinyan terrorla hədələnir - İrəvanda nə baş verir?
- Azərbaycanda bank AMB-nin tələblərini pozdu
- Yığmamız "Qalatasaray"a qalib gəldi - FOTO
- Gürcüstanda kurort zonasında qar uçqunu oldu
- "Qadın pul xərclədiyi kişiyə heç vaxt hörmət etmir" - FOTOlar
- Gəncədə "Xalqin mədəni sərvəti" layihəsi növbəti dəfə Cabbar Qaryağdıoğlunun əziz xatirəsinə həsr olunub - FOTO
- Bakıda bu səbəbdən torpaq kəskin ucuzlaşdı
- Putin terrordan sonra "Crocus"a niyə getməyib?
- “Avtomobil yolları haqqında” qanun dəyişdi
- Gəlinə verilən hədiyyə boşananda bölünməyəcək
- Bu ölkə paytaxtını adaya köçürür
- “Crocus”a hücum edənlərlə bağlı dəhşətli fakt üzə çıxdı
- Şadlıq saraylarında menyular bahalaşdı - QİYMƏTLƏR
- Bərdədə mopedlə maşın toqquşdu - Xəsarət alan var - FOTO
- Bakıda bu evlər bahalaşıb
- Qurban Qurbanovla Elvin Cəfərquliyev arasında GƏRGİNLİK
- Məşhur yazıçı siyasi partiyanı məhkəməyə verir
- Solovyov yenə geri addım atdı - Uğursuz erməni sifarişi
- Bakının informasiyası var: 5 apreldə nə baş verəcək?
- Rusiya azərbaycanlını İnterpola verdi - FOTO
- Rəvan Qarayev: “"Subay, yoxsa evli olduğumu heç kim tapa bilmir"
- Paşinyan separatçıları küncə sıxışdırır: Bütün ofisləri bağlanacaq
- “Crocus"un gələcək taleyi Kremlin gündəmində deyil"