Siyasət

Vitse-admiral Şahin Sultanovun rütbəsi endirilib? - RƏSMİ AÇIQLAMA

18 Aprel 2014 16:10

0 Şərh Baxış: 678

#AZERBAİJAN #HƏRBİ

Müdafiə Nazirliyi: Şahin Sultanovun rütbəsinin endirilməsi barədə məlumatlar həqiqətə uyğun deyil

Azərbaycan Müdafiə Nazirliyi Hərbi Dəniz Qüvvələrinin sabiq komandanı, vitse-admiral Şahin Sultanovla bağlı bəzi KİV-də yayılan məlumatlara münasibət bildirib.

Milli.Az xəbər verir ki, nazirliyin mətbuat xidmətindən APA-nın sorğusuna cavab olaraq bildirilib ki, mətbuatda Ş.Sultanovun rütbəsinin iki pillə aşağı salınması barədə yayılan məlumatlar həqiqətə uyğun deyil.

Xatırladaq ki, bu gün bir sıra KİV-də Hərbi Dəniz Qüvvələrinin sabiq komandanı, vitse-admiral Ş.Sultanovun rütbəsinin iki pillə endirilməsi barədə məlumatlar yayılıb.

Qeyd edək ki, Ş.Sultanov bu ilin martında Azərbaycan Prezidenti, Ali Baş Komandan İlham Əliyevin sərəncamı ilə vəzifəsindən azad edilib.

Milli.Az