Bəstəkar-müğənni Elza Seyidcahan "Qələbə marşı" adlı mahnısına klip çəkdirib.
Bu barədə musavat.com-un əməkdaşına məlumat verən əməkdar artist mahnının "Bakı 2015" Avropa Oyunlarına həsr edildiyini deyib: "Yeni mahnımın bəstəkarı Siruz Abbasbəyli, sözlərinin müəllifi isə İsmayıl Dadaşovdur. Klipin rejissoru Rövşən Əliyevdir".
Elza Seyidcahan kilpdəki Azərbaycan bayrağını təcəssüm edən ilginc geyimindən də danışıb: "Həmin geyimi uzun illər Fransada yaşamış modelyer Mübariz Allahverdizadə hazırlayıb. Bədən ölçülərimi ona yazıb göndərdim, libası hazırlayıb mənə yolladı".
Milli.Az