Dünən axşam saatlarında Bakı şəhərində iki piyada vurma hadisəsi qeydə alınıb.
Milli.Az APA-ya istinadən xəbər verir ki, Bakının Xətai rayonunda, Neapol dairəsi yaxınlığında 1990-cı il təvəllüdlü Səfərov Vüqar Mirxan oğlunu avtomobil vurub. O, kəllə-beyin travması və bud sümüyünün sınığı xəsarətləri ilə Bakı şəhər 3 saylı xəstəxanasına çatdırılıb.
Daha bir piyada vurma hadisəsi isə Bakının Nizami rayonu, Şərifli küçəsində baş verib. Belə ki, 1968-ci il təvəllüdlü Cəfərova Nüşabə Akif qızını maşın vurub. C. Nüşabə müxtəlif dərəcəli bədən xəsarətləri ilə Bakı şəhər 3 saylı xəstəxanaya yerləşdirilib.
Hadisələri törədən şəxslər polis tərəfindən saxlanılıb.
Hər iki faktla bağlı araşdırma aparılır.
Milli.Az