Türkiyənin Bolu şəhərində məşqlərini davam etdirən "Zirə" daha bir futbolçu ilə güclənib.
Milli.Az kluba istinadən xəbər verir ki, Haiti yığmasının hücumçusu Kervens Belfort bundan sonra "Zirə"də çıxış edəcək.
Futbolçu ilə "1+1" il şərti ilə müqavilə imzalanıb.
Kervens Belfort karyerasına ölkəsinin "Tempete" klubunda başlayıb. Bundan sonra isə o, Fransa, İsveçrə, Cənubi Kipr, Türkiyə və Hindistan çempionatında çıxış edib.
Hücumçunun son klubu İsveç təmsilçisi "Siriyanska" olub.
Haiti yığmasında 40 oyuna çıxan 25 yaşlı futbolçu 40 oyunda 16 qol vurub. Klub karyerasında isə 120 oyunda cəmi 17 dəfə rəqib qapılara yol tapa bilib.
Milli.Az