Bakıda keçirilən IV İslam Həmrəyliyi Oyunlarında taekvando yarışları davam edir.
Milli.Az Trend-ə istinadən xəbər verir ki, 68 kq çəki dərəcəsində mübarizə aparan idmançımız Ayxan Tağızadə Əfqanıstan təmsilçisi Ruhullah Nikpa ilə qarşılaşıb.
Avropa Oyunlarının qalibi A.Tağızadə rəqibindən üstün döyüş nümayiş etdirib - 28:14.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
Milli.Az