Venesuelanın paytaxtının Altmira rayonunda etiraz aksiyası zamanı 27 nəfər xəsarət alıb.
Milli.Az Trend-ə istinadən bildirir ki, bunu jurnalistlərə Çakao bələdiyyəsinin rəhbəri Ramon Muçaço deyib.
O, həmçinin aksiya zamanı 17 yaşlı nümayişçinin ölümünüdə təsdiq edib.
Məlumata əsasən, xəsarət alanların 4-ü odlu silahdan yaralanıb və hazırda onların həyatı üçün heç bir təhlükə yoxdur.
Qeyd edək ki, Venesuelada artıq 3 aydır kütləvi etiraz aksiyaları keçirilir. Bu müddət ərzində aksiyalarda 1,3 mindən artıq insan xəsarət alıb və 70 nəfər həlak olub.
Milli.Az