Bir milyon manatdan çox pul mənimsəyən qadın psixi xəstə çıxdı

20 Aprel 2017 23:47

Qadın şirkət yaratmaq adı ilə 6 nəfəri aldadıb.

Bakı Ağır Cinayətlər Məhkəməsində dələduzluqda təqsirləndirilən Hicran Allahverdiyevanın cinayət işi üzrə məhkəmə prosesi davam etdirilib.

Milli.Az "qafqazinfo"-ya istinadən xəbər verir ki, hakim Azad Məcidovun icraatında olan prosesdə H.Abdullayeva barəsindəki məhkəmə ekspertizasının rəyi açıqlanıb. Məlum olub ki, təqsirləndirilən şəxs psixi xəstəlikdən əziyyət çəkir.

Zərərçəkmişlər buna etiraz edərək təkrar ekspertizanın keçirilməsi barədə vəsatət veriblər. Vəsatət təmin olunub və təkrar rəy verilənədək proses qeyri-müəyyən müddətə təxirə salınıb.

Qeyd edək ki, ittihama görə, H.Abdullayeva şirkət yaratmaq adı ilə 6 nəfərdən dələduzluq yolu ilə 1,2 milyon manat pul alaraq mənimsəyib.

Milli.Az

Digər maraqlı xəbərlər Milli.Az-ın Facebook səhifəsində