Nizami Rayon Prokurorluğu Bakıda törədilən qətllə bağlı məlumat yayıb
Prokurorluqdan APA-ya verilən məlumata görə, 25 iyul 2014-cü il tarixdə saat 13.00 radələrində "Koroğlu" metrostansiyası yaxınlığında üzərində zorakılıq əlamətləri olan naməlum kişi meyiti tapılıb.
Faktla bağlı Nizami Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Qətlə yetirilən şəxsin kimliyini müəyyənləşdirmək hələlik mümkün olmayıb.
Prokurorluq öldürülən şəxsin fotosunu APA-ya təqdim edib. Onu tanıyanlardan (012) 422-43-02 nömrəli telefona məlumat vermələri xahiş olunur.
Baş vermiş qətl hadisəsi ilə bağlı əməliyyat qrupu yaradılıb.
Hazırda qətlə yetirilən və hadisəni törədən şəxs və ya şəxslərin kimliyinin müəyyən edilməsi istiqamətində əməliyyat-axtarış tədbirləri davam etdirilir.
Milli.Az
----------
19:26
Böyütmək üçün şəkilə klikləyin.