Ançelottidən Ronaldu açıqlaması

16 Aprel 2014 14:23

"Real"ın zədəli futbolçusu Kriştianu Ronaldunun İspaniya Kubokunun finalında "Barselona" ilə matçda iştirak edib-etməyəcəyi dəqiqləşib.

Qol.Az-ın İspaniya mətbuatına istinadən yaydığı xəbərə görə, Madrid klubunun baş məşqçisi Karlo Ançelotti portuqaliyalı hücumçunu bu oyuna buraxmaqla risk etməyəcəklərini açıqlayıb:

"Ronaldunun zədəsi çox ciddi deyil. Ancaq o, "Barselona" ilə görüşdə iştirak etməycək. Kriştianu sabah məşqlərə başlayacaq, sonra isə final qarşılaşmasını izləməyə gedəcək".

Qeyd edək ki, "Real" - "Barselona" matçı İspaniya vaxtı ilə sabah saat 21:30-da (Bakı vaxtı ilə aprelin 17-i, saat 00:30) başlayacaq.

Milli.Az