Böyütmək üçün şəkillərə klikləyin.
Övladının xəstəliyi Azərbaycanın tanınmış idmançısı Mir Əli Seyidovu insanlara əl açmağa vadar edib. Peşəkar idmançı oğlu, müğənni Rolan Seyidovun əməliyyatına pul toplamaq üçün sosial şəbəkə istifadəçilərinə üz tutub.
Sosial şəbəkədə Milli Ciu-citsu Federasiyasının prezidenti Mir Əli Seyidovun oğlunun ağır xəstə olduğu xəbəri yayılıb.
Milli.Az xəbər verir ki, paylaşmada bildirilir ki, federasiya prezidentinin oğlu Rolan Seyidovağır xəstədir və əməliyyat olunmalıdır.
Mir Əli Seyidov bir neçə il əvvəl həyat yoldaşı iflic olduğundan evini satıb əməliyyata ödəyib. Bu günə kimi də banklara pul ödəyir. Sonra isə o, tələbələrini və öz övladlarını xaricə yarışa yollamaq üçün avtomobilini satıb. Buna baxmayaraq, idmançılar 2013-cü ildə 8 medal qazanıblar: 2 qızıl, 3 gümüş və 3 bürünc.
Hal-hazırda Mir Əli Seyidovun oğluna kömək etmək üçün heç nəyi qalmayıb. Əməliyyat təxminən 15 min dollara başa gələcək. Onların 3 min dolları var.
Hazırda Rolan və anası Ukraynanın Neyrocərrahiyyə Universitetindədirlər. Cümə axşamı əməliyyat olunmalıdır.
Tuncay Türbəndəzadə
Milli.Az
Böyütmək üçün şəkillərə klikləyin.
