Mobil telefon

Nokia 9-un qiyməti açıqlanıb

15 Aprel 2017 07:22
1 Şərh     Baxış: 3 730
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bundan əvvəl "Nokia 9"-un texniki xüsusiyyətləri barədə məlumat verən "Nokia Power User" resursu gələcək qabaqcıl smartfonun qiymətini açıqlayıb.   

Milli.Az ICTnews-a istinadən bildirir ki, məlumata görə, "Nokia 9" smartfonunun Avropa İttifaqı ölkələri üçün qiyməti 749 avro, ABŞ bazarı üçün 699 dollar təşkil edəcək. Bu, ABŞ-da qiyməti 649 dollara bərabər "Apple" şirkətinin "iPhone 7" smartfon modelindən bahadır.

Bildirilir ki, iyulun sonunda və ya avqustun ilk günlərində nümayiş olunacaq smartfonun satışlarına üçüncü rübdə başlamaq nəzərdə tutulur. Buna səbəb kimi smartfonun əsasını təşkil edəcək "Snapdragon 835" prosessorunun mövcud çatışmazlığı ilə bağlı yaranan problemlər göstərilir.

"Nokia 9" smartfonu "Quad HD" təsvir ölçülü 5,5 düymlü "OLED" ekran, 12 meqapikselli ön və 22 meqapikselli "Carl-Zeiss" şüşəli əsas ikili kamera, avtonomluğu təmin etməklə "Quick Charge" sürətli enerjidoldurma texnologiyasını dəstəkləyən 43800 milliamper/saat tutumlu batareya ilə təchiz ediləcək.  

"Android Nougat" əməliyyat sisteminin idarəetməsi ilə işləyəcək smartfonun korpusu suya və toza davamlı olacaq. Qurğu, həmçinin barmaq izi skaneri, gözün qüzehli qişası skaneri, "OZO audio" səs texnologiyası, eləcə də 64 və ya 128 giqabaytlıq quraşdırılmış yaddaşla təchiz ediləcək.

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.