Mobil telefon

"Ağıllı" saat smartfonu əvəz edəcək

1 Dekabr 2016 08:01
2 Şərh     Baxış: 2 399

Satışda olan əksər "ağıllı" saatların hamısının tam gücü ilə işləməsi üçün daim smartfona qoşulması tələb olunduğuna görə onların imkanları çox məhduddur.

Milli.Az ICTnews-a istinadən bildirir ki, "No.1" şirkəti smartfonsuz işləməklə yanaşı, həm də onu tam əvəz edə bilən yeni "ağıllı" "G7" saat modeli təqdim edib. Saat 1,54 düymlük sensor displey, quraşdırılmış mikrofon, dinamik və SİM kart üçün zənglər etməyə imkan verən çıxışla təchiz edilib. Bu, mahiyyət etibarilə həm biləkdə, həm də cibdə daşına bilən kiçik smartfondur.
Korpusu 316L paslanmayan poladdan düzəldilən "No.1 G7" saatı gümüşü və qara rəngdə istehsal edilib. Qurğu xüsusi dokda rezin kəmər və ya metal bilərziklə bərkidilir və istifadəçinin zənglərə cavab verməsi üçün istənilən anda çıxarıla bilər.  

Qurğu 240x240 piksel təsvir ölçülü 1,54 düymlük displey, "MediaTek MT2502" prosessor, 128 meqabaytlıq operativ yaddaş, "microSD" yaddaş kartını 128 giqabaytadək artırmağa imkan verən 64 meqabaytlıq quraşdırılmış yaddaş və 380 milliamper/saat tutumlu akkumulyatora malikdir.

Digər "ağıllı" saatlar kimi, "No.1 G7" daxil olan bildirişlər, təqvimdəki əlamətdar hadisələr, planlaşdırılan görüşlər və idmanla məşğul olma vaxtı barədə məlumat verə bilir. Həmçinin saat fiziki aktivliyi, o cümlədən yuxu fazalarını izləyir.

"No.1 G7" saatının qiyməti və satışa çıxarılma müddəti barədə məlumat verilmir.

Milli.Az

DİGƏR XƏBƏRLƏR

Şərh yaz:

2 Şərh:

  • Anonim
    Maya · 1 Dekabr 09:0500

    Qardaşıma deyim xarucdən gətirsin mənə

    Cavab yaz
  • Anonim
    Leyla · 1 Dekabr 10:2800

    xarice ne gerek var atam Azerbaycandan 165 manata alib varda burda

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.