Mobil telefon

Rusiya öz “iPhone”unu buraxacaq

24 Sentyabr 2016 08:31

1 Şərh Baxış: 1 103

Rusiyanın "Roselektronika" holdinqi 2018-ci ildə "iPhone" ilə eyni keyfiyyətdə, daha ucuz smartfon istehsal etmək niyyətindədir.

Milli.Az lent.az-a istinadən xəbər verir ki, bu barədə "Roselektronika" Səhmdar Cəmiyyətinin rəhbəri İqor Kozlov açıqlama verib. "2018-ci ildə bizim öz milli "İphone"umuz olacaq, qiyməti də 130 dollara yaxın", - deyə o, söyləyib.

İ. Kozlov smartfonun dizaynı və texniki xüsusiyyətləri haqda məlumat verməyib.

Qeyd edək ki, "Roselektronika" SC "Rostex" dövlət korporasiyasına daxildir. "Rostex"dən hələlik bu məsələyə dair şərh verməyiblər. "Roselektronika" daha əvvəl də yerli smartfon və planşetlər hazırlamaq niyyətini açıqlamışdı.

Milli.Az