Məşhur bir avtomobil markasının apardığı araşdırmada Avropadakı gənclər arasında avtomobil istifadə edərkən cib telefonundan fotoşəkil çəkənlərin nisbətinin 50% olduğu təyin edilib.Aparılan araşdırmada 7 min nəfər iştirak edib
Anspress-in məlumatına görə, Avropada yaşları 18-24 arası olan 7 minə qədər gəncin qatıldığı araşdırma nəticəsində, qadınlara nəzərən kişilərin sükan arxasında "selfie" çəkməyə daha meylli olduqları vurğulanıb.
Araşdırmada Avropada sükan arxasında ən çox "selfie" çəkdirənlər belə sıralanıb: "ingilislər (33%), almanlar (28%), fransızlar (28%), rumınlar (27%), italyanlar (26%), ispanlar (18%) və belçikalılar (17%)."
Mütəxəssislər sükan arxasında "selfie" çəkdirməyin 14 saniyə, sosial şəbəkə saytlarına girməyin isə 20 saniyə diqqət itkisinə gətirib çıxardığını bildirirlər. Onlar həmçinin qeyd ediblər ki, cib telefonundan sükan arxasında istifadə etmək təhlükəli bir vərdişə çevrilə bilər.
Milli.Az