Kulinariya

Merengi və şokoladla alma deserti - FOTO

1 Fevral 2017 07:00

81 Şərh Baxış: 5 830

#KULİNARİYA

Milli.Az merengi və şokoladla alma desertinin hazırlanma qaydasını təqdim edir

Tərkibi (2-4 pay):

2 alma
8 dilim tünd şokolad
8 ədəd təmizlənib qovrulmuş araxis
2 yumurtanın ağı
3 x.q. (üstsüz) şəkər tozu
şəkər pudrası
limon şirəsi

Almaları yuyub ortadan bölün. Üzərinə limon şirəsi çəkin. Cecəyini çıxarın.

Formanın içinə perqament döşəyib almaları içinə yığın. Cecənin yerindəki çuxura 2 dilim şokoladla 2 araxis qoyun.

200 dərəcə qızdırılmış sobada 20-30 dəqiqə, almalar yumşalınca bişirin.

Yumurta ağlarını şəkər tozu ilə möhkəm çalın. Yəni qaşıqla götürüb tərsinə çevirəndə axmamalıdır. Azca turş olması üçün çalarkən 1 çimdik limon duzu qata bilərsiniz.

Bezeni qənnadı torbasına yığıb almaların üzərinə sıxın. Yenidən sobaya qoyub merengi qızaranadək bişirin.

Bezenin qalanını perqamentin üzərinə sıxıb balaca merengilər bişirə bilərsiniz.

Süfrəyə verərkən desertin üzərinə şəkər tozu səpin.

Nuş olsun!

Milli.Az

Digər maraqlı reseptlər Facebook səhifəmizdə

Məqaləyə dair fotomateriallar:

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ