Kulinariya

Bənövşəyi plov

22 Yanvar 2017 07:00

81 Şərh Baxış: 7 960

#KULİNARİYA

Milli.Az bənövşəyi plovun hazırlanma qaydasını təqdim edir

Tərkibi:

0,5 qırmızı kələm
2 st. düyü
2 x.q. kərə yağı
1 armudu st. quşüzümü
1 armudu stəkan badam
1 st. toyuq bulyonu
1 ç.q. duz

Düyünü isladın. Kələmin yarısını qazana qoyub üzərinə çıxınca su tökün. Qaynadın. Sudan çıxarıb nazik doğrayın.

Tavada kərə yağını əridin. Öncə badamı, sonra quşüzümünü qovurun. Kələmlə düyünü əlavə edib 2 dəqiqə qovurduqdan sonra 3 st. kələm suyu (qaynatdığınız) və toyuq bulyonunu əlavə edib iti odda bişirin. Qaynara düşəndən sonra duzunu qatıb ocağı azaldın. Suyunu çəkəndə ocaqdan götürün. Plovu qarışdırıb, qazanın qapağını örtün. Üzərinə qalın dəsmal çəkib 30 dəqiqə dəmləyin.

Nuş olsun!

Milli.Az

Digər maraqlı reseptlər Facebook səhifəmizdə