Milli.Az cəmi üç ərzaqdan ibarət unsuz peçenyenin hazırlanma qaydasını təqdim edir
Tərkibi (8-10 ədəd):
120 q şəkər tozu
250 q qoz
3 yumurtanın ağı
Qozu blenderdə ovuntuq halınadək xırdalayın. Qoz əvəzinə fındıq, badam, fıstıq, araxis və s. götürə bilərsiniz.
Yumurta ağlarını mikserin ən yuxarı sürətində köpüklənincə çalın.
Aramla şəkər tozu qatıb köpük parıldayınca çalın.
Xırdalanmış qozu qatıb qaşıqla aşağıdan yuxarıya doğru ehtiyatla qarışdırın.
Siniyə perqament döşəyin. Qaşıqla kütlədən götürüb siniyə düzün.
150 dərəcə qızdırılmış sobada 30-40 dəqiqə bişirin.
Sinidə tam soyutduqdan sonra süfrəyə verə, yaxud bankada və ya qutuda saxlaya bilərsiniz.
Nuş olsun!
Milli.Az