Milli.Az xama ilə dadlı piroqun hazırlanma qaydasını təqdim edir
Tərkibi:
xəmir:
200 q dondurulmuş kərə yağı
1 yumurta
1,5 ç.q. qabartma tozu
300 q un
0,5 st. şəkər tozu
iç:
500 ml yağlı xama (ən az 20%)
4 yumurta
2 paket vanilli şəkər tozu
4 x.q. şəkər tozu
Kərə yağını əvvəlcədən dondurucuya qoyub soyutmaq lazımdır. Donmuş yağı sürtgəcin iri gözündən keçirin. Yumurta, şəkər tozu, ələnmiş un və qabartma tozu əlavə edib əlüstü xəmir yoğurun, kündələyib 10 dəqiqə saxlayın.
Kənarları açılan formanı yağlayın. Xəmiri 0.5 sm qalınlıqda yayıb formanın içinə döşəyin, kənarlarını qaldırın.
İç üçün olan ərzağı qarışdırıb çalın (mikserə gərək yoxdur, eynicinsli olsun, yetər).
İçi xəmirin üzərinə tökün. Əvvəlcədən 180 dərəcə qızdırılmış sobada 40-45 dəqiqə bişirin.
Hazır piroqu tam soyudun.
Nuş olsun!
Milli.Az