Milli.Az "Meyvəli qəmbər" desertinin hazırlanma qaydasını təqdim edir
Tərkibi (6 pay):
130 q kərə yağı
250 q un
125 q xama (qatıq)
80 q şəkər tozu
1 ç.q. qabartma tozu
1 çimdik duz
700 q istənilən meyvə və giləmeyvə
2 x.q. balzamik sirkə
5 x.q. şəkər tozu
2 x.q. şəkər pudrası
Tavaya balzamik sirkə töküb 5 x. q. şəkər tozu əlavə edin. Şəkər tozu əriyəndə təmizlənib doğranmış meyvələri əlavə edin.
10 dəqiqə ağzıbağlı halda bişirin.
Xəmir üçün unu yağla ovun. Digər ərzağı qatıb yoğurun.
Təxminən 25 ədəd kündə tutun.
Meyvəni şirəsi ilə birlikdə formaya tökün. Üstündən bir-birindən azca aralı olmaqla kündələri düzün.
Üzərinə şəkər pudrası səpin (xırt-xırt olsun deyə). 180-190 dərəcə qızdırılmış sobada 30 dəqiqə bişirin.
Süfrəyə isti-isti, çalınmış qaymaqla verə bilərsiniz.
Nuş olsun!
resept: recipe.org.ua
Digər maraqlı reseptlər üçün Facebook səhifəmizə üzv olun.
Milli.Az