Milli.Az yerkökü şorbasının hazırlanma qaydasını təqdim edir
Tərkibi (2-3 pay):
3 iri yerkökü
1 pomidor
1 soğan
4 diş sarımsaq
1,5 ç.q. karri
reyhan qurusu (başqa göyərti də olar)
1 ç.q. sürtgəcdən keçirilmiş zəncəfil
1/2 limonun şirəsi
1,5-2 st. qaynar su
duz
istiot
əlavə:
keçi pendiri (zövqə görə)
göyərti
Yerkökünü fal-fal doğrayın, pomidor və soğanı dörd yerə bölün.
Bunları siniyə yığın, təmizlənmiş sarımsağı da qoyun, üzərinə azca zeytun yağı çəkin. Karri və reyhan qurusu səpin.
180 dərəcə qızdırılmış sobada 20 dəqiqə bişirin (yerkökü yumşalanacan).
Bunları blenderə qoyun, 2 st. qaynar su, yarım limonun şirəsini, sürtgəcdən keçirilmiş zəncəfil, 1 ç.q. karri, duz, istiot əlavə edib xırdalayın.
Zövqə görə keçi pendiri və təzə göyərti əlavə edə bilərsiniz. Soyuqdəyməsi olanlar üçün əla şorbadır!
Nuş olsun!
Milli.Az