Kulinariya

Ətirli qəlyanaltı yağı

30 Sentyabr 2015 07:00

29 Şərh Baxış: 3 079

#KULİNARİYA

Milli.Az reyhanlı və çilili qəlyanaltı yağının hazırlanma qaydasını təqdim edir

Bu yağ nəinki buterbrod və tostlar üçün yarayır, həmçinin bişmiş kartof, tərəvəz və digər təamlarla əla dadır. Üstəlik, uzun müddət saxlamaq da olur.

Tərkibi:

1. reyhanlı:

200 q kərə yağı
1 limonun sedrası
1 iri dəstə reyhan
1 diş sarımsaq
duz
istiot
2 x.q. zeytun yağı

2. çilili:

200 q kərə yağı
1,5 ç.q. zirə toxumu
1,5 ç.q. keşniş toxumu
2 çili
1 diş sarımsaq
2 x.q. zeytun yağı
1 dəstə keşniş (ya da cəfəri)
duz, istiot

1. Reyhanlı yağ
Yumşaldılmış yağ, limon sedrası, reyhan yarpaqları, zeytun yağı, 1 çimdik duz və istiot, təmizlənmiş sarımsağı blenderdə eynicinsli kütlə alınanadək xırdalayın.

2. Çilili yağ
Quru tavada zirə və keşniş toxumunu 2 dəqiqə qızdırın. Soyudub həvəngdəstədə döyün.
Xırda doğranmış çili, göyərti, yumşaldılmış yağ, keşniş və zirə toxumu, zeytun yağı, sarımsaq, 1 çimdik duz və istiotu blenderdə eynicinsli kütlə alınanadək xırdalayın.

2 ayrı folqanın üzərinə yağları qoyun. Folqaların köməyi ilə kolbasa halına salın, kənarlarını bağlayın. Soyuducuda minimum 1 saat saxlayın.

Süfrəyə qızardılmış tostlarla verə bilərsiniz.

Nuş olsun!

Milli.Az