Milli.Az qat-qat xəmir və giləmeyvədən tortun hazırlanma qaydasını təqdim edir
(Giləmeyvəni banan və kivi, həmçinin ananasla da əvəz edə bilərsiniz)
Tərkibi:
500 q hazır qat-qat xəmir
450 q 25%-li xama
100 q şəkər tozu
təzə giləmeyvə (ürəyiniz istəyən)
1 paket xama qatılaşdırıcısı
İki lay xəmiri 3 mm qalınlıqda yayıb, 2, yaxud 3 kvadrata bölün.
Perqament döşənmiş siniyə qoyub növbə ilə hər birini 7-10 dəqiqə 210-220 dərəcə temperaturda (qızılı rəng alınca) bişirin.
Krem: Xamanı şəkər tozu və qatılaşdırıcı ilə çalın. Vanilli şəkər də əlavə edə bilərsiniz.
Birinci korju qaba qoyub üzərinə krem çəkin, giləmeyvə düzün. Digər korjları da eyni qaydada üst-üstə düzün. Tortun üzərinə və kənarlarına çoxlu krem çəkib üzərinə korjların qırıntılarını səpin.
Nuş olsun!
Milli.Az