Kulinariya

Koreya üsulu qabaq

23 İyul 2015 07:00

1 Şərh Baxış: 1 859

#KULİNARİYA

Milli.Az qış tədarükü üçün koreya üsulu qabağın hazırlanma qaydasını təqdim edir

Tərkibi:

2,5 kq təzə, bərk qabaq

0.5 kq baş soğan

0.5 kq yerkökü

5 şirin bibər

200 q sarımsaq

göyərti - şüyüd, keşniş, kərəviz, cəfəri - zövqə görə

marinad:

1 st. bitki yağı

1 st. şəkər tozu

150 ml 9%-li sirkə

2 x.q. duz

2 qutu koreya üsulu yerkökü üçün ədviyyat

Marinadı hazırlamaq üçün sadəcə gərəkli ərzağı qarışdırın (yəni qaynatmaq lazım deyil).

Qabağı və yerkökünü xüsusi sürtgəcdən keçirin, yaxud da saman kimi doğrayın. Hətta nazik fal-fal da doğraya bilərsiniz. Bibərlə soğanı da ürəyiniz istəyən formada doğraya bilərsiniz. Xırdalanmış sarımsaqla göyərtini yerkökü və qabaqla qarışdırın. Üzərinə marinad töküb yenə qarışdırın və 3-4 saat saxlayın.

Bu müddət keçəndən sonra salatı təmiz, quru bankalara yığıb sterilizə edin: 1-litrlik bankaları yarım saat, yarımlitrlikləri - 15 dəqiqə. Sonra qapağını bağlayın. Tərs çevirmək lazım deyil. Soyuq yerdə saxlayın.

Nuş olsun!

Milli.Az

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ