Milli.Az Kəpəz TV-yə (Region TV) istinadən Masallı rayonunun fərqli təamlarını təqdim edir.
Sarımsaqlı badımcan
Tərkibi:
15 badımcan
10 şirin bibər
6 pomidor
200 q sarımsaq
1 x.q. nanə qurusu
bitki yağı
duz
istiot
Badımcanı soyub, dilim-dilim doğrayın, duzlayıb kənara qoyun. Pomidoru və soğanı doğrayın. Sarımsağı isə ət maşınından keçirib içərisinə nənə qurusu əlavə edin. Hazır doğranmış tərəvəzləri hazırlamağa başlayın. Əvvəl tavaya bitki yağı əlavə edib sarımsağı qızardıb kənara qoyun. Sonra duzlanıb acı suyu çıxmış badımcanları qızardın. Pomidor ilə bibər qızarmalı deyil. Ən son tərəvəzlərı lay-lay tavaya yığıb aralarına sarımsaq əlavə edin. Hazır yeməyi 20 dəqiqə tərəvəzlərin dadları bir-birinə çıxması üçün dəmə qoyun.
Kükü
Tərkibi:
4 soğan
200 q qoz ləpəsi
1 x.q. un
8 yumurta
duz
istiot
bitki yağı
Soğanı xırda-xırda doğrayıb üzərinə maşından keçirilmiş qozu əlavə edib qarışdırın. Kənarda yumurtaya un, duz, istiot əlavə edib çalın. Çalınmış yumurtanın içərisinə soğan və qozu əlavə edib qarışdırın. Tavada yağı dağ edib kükünü töküb hər iki üzünü qızardın.
Nuş olsun!
Milli.Az