Kulinariya

Mətbəx sirləri: Qatıqlı krem - FOTO

11 İyun 2015 07:00

2 Şərh Baxış: 3 442

#KULİNARİYA

Milli.Az qatıqlı kremin hazırlanma qaydasını təqdim edir

Tərkibi:

0,5 l qatıq
200 q xama
10 q jelatin (yarpaq)
0,5 və ya 2/3 st. şəkər tozu
1 paket vanili şəkər tozu
təzə giləmeyvə, şokolad yonqarı

10 q (yaxud 6 yarpaq) jelatini az miqdar soyuq suda 5-10 dəqiqə isladın.
Kasada qatıq, xama, şəkər tozu və vanili şəkəri şəkər tozu tam əriyənədək qarışdırın.
Şişmiş jelatinin artıq suyunu süzün. Su hamamında əridin. Mikrodalğalı sobada da əridə bilərsiniz (10-15 saniyə kifayət edər).
Jelatini qarışdırıb tam əridiyinə əmin olduqdan sonra nazik axınla qatıqlı qarışığı əlavə edin. Bu zaman dayanmadan qarışdırmağı da unutmayın. Soyuducuda 15-20 dəqiqə saxlayın.
Bu müddət ötdükdən sonra çıxarıb mikserlə çalın. Həcmi artacaq.
Formalara, yaxud stəkanlara təzə gileməyvələr və şokolad yonqarı salıb üzərinə krem qoyun.
Soyuducuda 3-4 saat saxlayın.

Nuş olsun!

Resept: vk.com/academy_main

Milli.Az