Milli.Az Aliyənin kulinariya kitabına istinadən albalı kiselinin hazırlanma qaydasını təqdim edir
Tərkibi:
1 st. albalı
0,5 l su
1-2 x.q. şəkər tozu (albalının turşluğundan asılıdır)
1-1,5 x.q. nişasta
Albalını yuyun.
Saplağını qoparın, dənələrini də çıxara bilərsiniz.
Suyu tayqulpa və ya qazançaya töküb qaynadın.
Su qızanadək nişastanı bir qədər soyuq suda həll edin.
Yaxşıca qarışdırın ki, lopa qalmasın.
Su qaynayan kimi albalını əlavə edin.
Şəkər tozu qatıb qarışdırın.
Qaynara düşəndən sonra 3 dəqiqə qaynadın.
Qarışdıra-qarışdıra nişastanı əlavə edin.
Qatılaşmağa başlayacaq. Son dəfə qaynara düşəndə ocaqdan götürün. Əgər qatılığı qane etmirsə, o zaman bir qədər də suda həll edilmiş nişasta qatmaq olar. Əksinə, çox qatı alınıbsa, bir az su qatın.
Nuş olsun!
Milli.Az